Núna, eða réttara sagt, laugardaginn 19.nóvember verður nýjustu útgáfum Útúr fagnað með eilitlum látum. Á milli klukkan 17-19 verður boðið upp á upplestur, tónlist, mat og drykk. Bergþóra Snæbjörnsdóttir og Jón Bjarki Magnússon lesa (og leika?) upp úr nýútkomnum verkum sínum, sem komu út undir merkjum Útúr fyrr í vikunni.
Núna, eða réttara sagt, laugardaginn 19.nóvember verður nýjustu útgáfum Útúr fagnað með eilitlum látum. Á milli klukkan 17-19 verður boðið upp á upplestur, tónlist, mat og drykk. Bergþóra Snæbjörnsdóttir og Jón Bjarki Magnússon lesa (og leika?) upp úr nýútkomnum verkum sínum, sem komu út undir merkjum Útúr fyrr í vikunni.
Bergþóra Snæbjörnsdóttir er fædd 16. janúar 1985 og ólst upp á Úlfljótsvatni í Grafningi. Ljóðabókin daloon dagar er hennar fyrsta útgefna verk. Jón Bjarki Magnússon er fæddur 30. júní 1984 og ólst upp á Siglufirði. Lömbin í Kambódíu (og þú) er einnig hans fyrsta útgefna verk. Bergþóra og Jón Bjarki hafa bæði tekið þátt í allskyns ljóðagjörningum síðustu ár. Þau eiga það sameiginlegt að hafa búið í skítugri íslenskri sveit sem og í drullugri kínverskri borg – þeim fannst bæði betra.
Ásamt Bergþóru og Jóni Bjarka ætlar tékkneski raftónlistarmaðurinn Filip Misek aka Dikolson að tjúna aðeins upp í græjunum og leyfa tónunum að flæða. Þá ætlar Margrét nokkur Arnardóttir að taka upp (harmó)nikkuna og spila – mögulega fyrir dansi. Síðast en ekki sýst mun hinn goðsagnakenndi Dean Ferrell spila á selló og – ef við verðum heppin – syngja með.
Bækur höfunda verða á einstöku tilboðsverði, einungis 1500 krónur.
Útúr er nýr útgáfuarmur Útúrdúrs en daloon dagar og Lömbin í Kambódíu (og þú) eru fyrstu útgáfur þessa arms. Útúr er útgáfa þar sem ólíkir hópar og einstaklingar starfa saman að útgáfumálum og uppákomum af ýmsu tagi. Næstu útgáfur og verkefni Útúr verða kynnt nánar síðar.
