Jólasýning Mið Íslands og André Wickström (FIN)

Mið-Ísland snýr aftur í Þjóðleikhúskjallarann í desember með skothelda hláturtaugadagskrá. Tryggið ykkur miða tímanlega því uppselt hefur verið á hverja einustu Mið-Ísland sýningu sem haldin hefur verið í Þjóðleikhúskjallaranum frá upphafi. Sýningarnar verða aðeins tvær, 8. og 9. desember.

Aðalgestur kvöldsins verður finnski uppistandarinn og... [read more]

Mið-Ísland snýr aftur í Þjóðleikhúskjallarann í desember með skothelda hláturtaugadagskrá. Tryggið ykkur miða tímanlega því uppselt hefur verið á hverja einustu Mið-Ísland sýningu sem haldin hefur verið í Þjóðleikhúskjallaranum frá upphafi. Sýningarnar verða aðeins tvær, 8. og 9. desember.

Aðalgestur kvöldsins verður finnski uppistandarinn og sjónvarpsmaðurinn André Wickström sem hefur starfað sem atvinnuuppistandari síðan 1996. Segja má að Wickström sé einn frægasti uppistandari heimalands síns og var hann viðfangsefni eins þátta Frímanns Gunnarssonar, Mér er gamanmál, sem sýndir voru á Stöð 2 í fyrravetur sem fulltrúi finnsks gríns. Þá hafa Íslendingar þegar fengið að njóta krafta Wickströms því hann kom fram fyrir fullu húsi í Háskólabíói síðasta vetur ásamt fleiri norrænum uppistöndurum og kunnu Íslendingar vel að meta kaldhæðinn og beittan húmor Finnans. Það skal þó tekið fram að gestir þurfa ekki að mæta með finnsk-íslenskar vasaorðabækur því André mun flytja efni sitt á ensku.

Auk Wickströms munu gestir Þjóðleikhúskjallarans einnig hlýða á uppistand frá föstum meðlimum hópsins, Ara Eldjárn, Bergi Ebba Benediktssyni, Halldóri Halldórssyni og Jóhanni Alfreð Kristinssyni sem leysa mun Björn Braga Arnarsson af sem kynnir þar sem sá síðarnefndi mun vera með hefðbundið uppistand. Sérstakur gestur þetta kvöld verður svo nýliðinn Jón Helgi Davíðsson sem bar sigur úr býtum á uppistandskeppni Priksins sem haldin var á haustdögum.

Meðal fyrri gesta á uppistandskvöldum Mið-Íslands eru Anna Svava Knútsdóttir, Pétur Jóhann Sigfússon, Margrét Björnsdóttir, Erna Dís Eiríksdóttir, Þorsteinn Guðmundsson, Þórhallur Þórhallsson, Saga Garðarsdóttir, Hugleikur Dagsson, Sólmundur Hólm og norski uppistandarinn Dag Sørås.

Athugið að sýningar hefjast á slaginu 20:00 og fara fram fimmtudaginn 8. des. og föstudaginn 9. des.

Sýningin er tveir og hálfur tími með einu hléi.

Miðasala fer fram á www.midi.is og miðaverð er 2900 krónur.

Miða má kaupa hér:
http://midi.is/leit?s=Mið-Ísland

André Wickström má kynna sér hér: http://www.andrewickstrom.com/ og hér http://en.wikipedia.org/wiki/André_Wickström

Ef hláturinn lengir lífið stefnir Mið-Ísland á ódauðleika!

Copy and paste a Youtube link below submit

Copy and paste a Slideshare link below submit