أتوبيس الحرية


اتوبيس بيروح كل مكان فى مصر.. كل قرية, مركز, مدينة وشارع...
فيه متطوعين من محافظات كتيرة, تيارات مختلفة, و من كل الاعمار والافكار... وبتجمعهم حاجه واحده انهم عايزين مصر احسن ومؤمنين إن محدش هيعمل كده غير... [read more]

أتوبيس الحرية


اتوبيس بيروح كل مكان فى مصر.. كل قرية, مركز, مدينة وشارع...
فيه متطوعين من محافظات كتيرة, تيارات مختلفة, و من كل الاعمار والافكار... وبتجمعهم حاجه واحده انهم عايزين مصر احسن ومؤمنين إن محدش هيعمل كده غير المصريين نفسهم...اللي ماشيين في الشارع ..و اللي قاعدين على القهاوي ...واللي خايفيين عالبلد بجد
هدفنا نعرف الناس ان كلنا مواطنين متساويين وإن الرئيس مش إله, وإن الدستور هو أساس بلدنا..
نحكى للناس اللى حصل ونسمع منهم حكاويهم ونفرجهم على أفلام قصيرة وفيديوهات توعويه ونتناقش فيها..
نشوف البلد محتاجه ايه واحنا ممكن نعمله...
اتوبيس الحرية شغال بقاله 6 شهور.. روحنا 40 مركز وقرية ومدينه واتكلمنا مع اكثر من 600 ألف مصرى وعرضنا 10 أفلام توعويه ووثائقية واشتغل معانا حوالى 200 متطوع من كل محافظات مصر..
ولسه...حلمنا إننا نوصل لكل مصرى
الناس صدقتنا وحبتنا
عشان احنا بنديهم معلومه صادقة وصحيحة وحياديين يعنى بنوصل المعلومة من غير ما نوجه الناس لرأى أو فكر معين أو ننحاز لشخص ..لأ إحنا بنتكلم يعنى إيه أسس حياة..يعنى إيه إنك تكون مصرى ليك حقوق وعليك واجبات..
عايز تبقى معانا ؟
عايز تخدم بلدك وتوعى أهلك وتنشر فكر بناء؟
عايز تشوف مصر من الساحل لأسوان, من بدو سينا لبدو مطروح ؟!
مش هاينفع تسافر ومستعد تشتغل معانا لما نيجى نزورك فى محافظتك؟
ممكن تبقى معانا فى أتوبيس الحرية,,

تعالى اعمل مقابلة في مقر الجمعية

وزورونا على صفحتنا عالفيس بوك (أتوبيس الحرية).

او كلمنا على: 01011797943
أو على 0233473392

ملحوظة: المقابلات هتكون من يوم الأحد الى الخميس من الساعة 1 للساعة 6 المغرب
فى مقر جمعية مصرنا المنظمة لأتوبيس الحرية 3 شارع على بن ابى طالب متفرع من جزيرة العرب من شارع سوريا المهندسين. الدور التالت
والتدريبات هتكون عبارة عن 5 جلسات.

مستنيينكم :)